الجزء 26
سيف:ألــو
نواري زاغت جان تفر السماعه ع شمه
شمه: الوه..السلام عليكم
سيف: وعليكم السلام والرحمه
شمه:شحالك سيف؟
سيف: بخير ربي يعافيييج..شحالج انتي؟
شمه:بخير يعلك الخير
سيف:وشخبار اميه؟
شمه:الحمدلله توني يايه من عندها
سيف:اقووولج اذا اميه اتخبرت عني وعن حصوص قولي لها ان سيف تذكر ...حصوص عندها موعد ورجع وياها العين
شمه: ان شاءلله ..بس صدق انته ليش وديتها العين؟
(هنيه دش سلطان الحجره وتم واقف ع الباب)
سيف: وديتها وبس
شمه: انزين قولي ليش
سيف:قلتلج وديتها وبسسسسس
شمه حست ان اخوها عصب: شكلك تعبان...ان شالله خير
سيف: مارقدت عشان كذيه يمكن
شمه: وليش ان شالله
سيف: بس الحين بسير ارقد يالله بااااااي (وبند عنها)
شمه وبعدها قابضة السماعة وتفكر ليش اخوها جيه سوا في حصه ..محد يدري ليش سيف اتوحش ع حصه وضربها ....الله كريم..وردت السماعه مكانها
نواري: هاه شو قاال؟
شمه: ماشي هب راقد والحين بيسير يرقد
سلطان: وما تخبرتيه عن حصوص
شمه صدت صوبه: بروحه معصب وين اقدر اتخبره
مريوم: محد غيرك انته ومنصور يدرون بالسالفه..خبرنا
نواري: سلطان شو مستوي؟؟؟
يزوي: حرام عليكم والله
سلطان يلس ع الكرسي واتنهد والدمعه في عينه خطف عليه كل اللي صار البارحه امبينه وامبين ولد خالته سيف..وحلم حياته"حصـــه"اتذكرها يوم هيه طالعه من الحجره مع سيف وشكلها خايفه ..واتذكرها يوم نازله من الدري اتصيح.......خذت افكاره لي بعيد ..لكن محد يدري وين بتوصله!!!
نواري: سلطان شي بلاك؟
سلطانكان يبى يقول حق خواته وبنات خالته اللي يعتبرهن نفس خواته بعد ان هو يحب حصوص ..بس من تذكرها حس بعمره يتقطع..حس بضيق ...هو كان السبب في مشاكلها هو كان سبب المشكله اللي بينها وبين اخوها سيف..ماقدر سيف ايقول شي..وظهر برع الحجره
شمه: ظنتتتكن مستوي شي قوي؟؟؟؟؟؟
مريوم: علمي علمج..بس انا بديت ازيغ الصراحه
يزوي: انزين الحين يالله نشن عن تحشرنا اميه ..اوووووووه تعالن اذا تخبرنا عن يزوي وسيف؟
شمه: قالي سيف اقولهم انه هو تذكر موعد حصوص ورجع العين يوديها
يزوي: هزرج بيصدقون الحينه؟
شمه: ان شالله ..انتي الحين سيري وبلغي خوانج هالكلام عن حد يزل لسانه ويقول شي ثاني
يزوي: اوكيييييييك وتوها بتسير
نواري: يزوي تعالي انا بخطف عليهم انتي سيري ويا قوم شميم تحت
يزوي: اوكيك
شمه: نواري لا تنسين
نواري: ان شالله
سارن البنات تحت وخطفت نواري ع حجره منصور وبلغته والحين هيه في دربها لحجره سلطان طبعا دشت الحجره لقت سلطان يالس ع طاولته ويكتب...
نواري: السلام عليكم
سلطان صد صوبها: وعليكم السلام متى دشيتي مانتبهت لج
نواري: ههه هب منك ...من اللي تكتب له
سلطان: لاوالله انتي غير اكتب شعر
نواري: انزين ادري...يعني ف ذمتك الشعر اللي بتكتبه الحين بتكتبه في الهوى مثلا..تراه الا في انسان تعشقه
سلطان: يويلي ع الخبره
نواري: في بيتنا هذا كله محد ما جرب انه ما يكتب شعر..منصور ويكتب ويزوي تكتب وانا وانته نكتب..
سلطان : الله يرحمك يابويه ..محد معودنا ع الشعر غيره
نواري: انزين عطني اقراه
سلطان: لالالا..لا تحاوليييييييييين
نواري: ليش عاااااد؟
سلطان: بسسس ماباج تقرينه
نواري: انزين سلطان ..خبرني شو صار امس؟
سلطان:============
نواري: اذا ما تبى ترمس ف السالفه وتباني اظهر ..تراني بظهر عادي عندي
سلطان: اممممممم ...انا..انـــــا....انا احب حصوص و .........................................
****** في العين******
سيف ساير الحجره عند حصوص وهو بعده يغلي من كلام منصور ..لو سلطان كان يحب حصه وهله يدروبه او ع الاقل اهلي يدرون ما كنت بسوي شي..بس ان تطلع منهم الكلمه بهذي الطريقه..صدق مايستحون..سار سيف الحجره عند حصوص دق الباب ما طاعت تفج له ..حاول كم مره ولا طاعت
سيف يدق باب حجرتها وهو معصب: بتفجيييييين الباب والا شوووووه ؟؟!!!!
حصه:========
سيف: حصوص تراني مالعب وياااج
حصه:========
سيف: والله نها يا حصه اخر مره بقولج اياها...... بتفجيييييين الباب والا شوووه؟؟؟
حصه وهي تصيح: لا والله ما فججججه وجان تبى تكسره كسره ..اللي ما تطوله بيدينك واصله بريولك
سيف: لا والله وظهر لج اسان بعد !!! اوكي انا براويج
وسار تحت ياب له السكروب ورجع حجرتها وصل عند الباب وجرب اول مره يفتحه ما قدر جرب المره الثنيه وانفج الباب...لقى حصه يالسه ع الشبريه لا انها خايفه ولا كأنه شي استوى..واول ما شافت سيف..ابتسمت له وشافته بنظره من فووق لين تحت..هالنظره استفزت سيف..وخلته ما يقبض اعصابه وسار لعن قفدها ..ضربها ضرب البلا لين ما حس انه خلاص حط حرة منصور فيها هيه
صد سيف وشاف حصوص وقال: انتي عيدي هالنظره مره ثانيه وانا بدبل الضرب
حصوص:=========
ظهر سيف من الحجره وهو يفكر اذا اللي سواه صح والا غلط؟؟؟ اكيد غلط اصلا انا ليش ضربتها من البدايه اصلا كيف تجرأت وميديت ايديه عليها...والله لو ابويه يدري جان ذبحني...هاي حصوص اللي ماكنت اتوقع ابدا انه شي من مثل هالشي بيستوي امبينا..وبعدين انا شدراني اذا هيه لها ذنب والا لا..خلاص سلطان يحبها ..يحبها هيه ..مش هي اللي تحبه..انا اتصرفت غللللط ..المفروض اسألها هيه اذا تعرف ان سلطان يحبها والا لا
** في بيـــــت ام مانع**
أم مسلّم: والله الراي رايكم ..متى بغيتوا الملجه علمووونا بس انتوا
ام مانع: والله ما ندري نحن عاد..اللي يريحكم فديتج
ام مسلّم:هاه فديتج مويز متى تبينها؟
موزه: امم ...انا عادي عندي.. تخبري مسلّم
النيره تصاصر موزه: ياعيييني انا ..لازم القلب الحب الخطيب زوج المستقبل ..لازم تتخيره ههههه
موزه: جب انزين
ام مانع: بلاكن تتصاصرن
موزه: لاماشي
النيره: كنت اقول لها لو تسوي الملجه ع السبوع اللي بعد هذا يكون احسن
ام مسلّم :هي والله ..ماأزين شورج يالنيره
النيره: لالا لاتاخذون شوري....خذوا شور المعرس
ام مسلّم: وانا الحين بتصل به
مسلّم: الو هلا والله هلا الغاليه
ام مسلّم: هلا بك زود ..وين انته؟
مسلّم: في المووول ..ههه الله يهداج امي يعني وين بكون...في الميلس اكيد
ام مسلّم: وعلى ويش اتفقتوا؟
مسلّم : ع كل شي الا موعد الملجه...قلنا الحريم بيحددنه
ام مسلّم:انا متصله اتخبرك متى تباها
مسلّم: اليوم
ام مسلّم: تتمصخر
مسلّم: خلاص انزين باكر؟.
أم مسلّم: لا تتمصخر
مسلّم:انا ما اتمصخر صدق اباها اليوم والا باكر...
أم مسلّم: شووو باكر ماشي وقت ولا عزمنا ولا سوينا ولا شي..
مسلّم: مويز حذالج
ام مسلّم: هيييه
مسلّم: بغيت ارمسها..والله بس شويه
ام مسلّم: انزين..اقول عذيجه
ام مانع: هلا
ام مسلّم: مسلّم يبغي يرمس بنت عمه مويز
ام منصور: برايه يرمسها
ام مسلّم: دووج مويز
مويز خذت التلفون وسارت صوب الميلس
مويز: ألــو..السلام عليكم
مسلّم: وعلييييكم السلام والرحمه هلا والله هلا مليون هلا وغلا شو اقول اكثررررر
مويز استحت
مسلّم: شحالج ربج بخير؟
مويز: بخخير يعلك الخير..انته شحالك؟
مسلّم: دامنج بخير ..انا بعد بخير
مويز: مسلّم..قالت لي امك انك بغيتني
مسلّم: والله كلمه "بغيتنـــي" شويه
مويز: حوووه ...خبرني شو تريد
مسلّم: هههههه..عصبتي والا استحيــــــتي؟
موزه: هيه ..علّس غلّس بعد
مسلّم: افاااااااااا الحين انا غلس..
مويز: لا محشوووووووووم
مسلّم: جاااااااان استحي هههههه
مويز: هههه ..المهم بغيت ويش
مسلّم: ادريبج تبين الفكاااااك انتي والا شوه..ما تبين ترمسيني
موزه: لا والله ..منو قال ماريد ارمسك..العكس اصلا
مسلّم : هلا والله ...شحالج انتي ههههههه
مويز: ههههاي
مسلّم: عندي لج شووور
مويز: لبيييييييه
مسلّم: علني فدا من قال لبيييه ..شو رايج باكر نكتب الكتاب...والملجه والعرس يووم واحد
موزه: اممم ..خلني افكر
مسلّم: ما يبالها تفكير فديتج..قولي اوكي دخيييييييييييلج قولي اوكي
موزه: ويل حالي ع القرفه...يقول اوكيه بعععد
مسلّم: هههه فديت القرفه وشيخة القرفه
موزه: امم ...والله ع كيفك..شورك وهداية الله
مسلّم:لحظه لحظه مادريتي متى العرس؟
موزه: لا والله ..بععععد محدد ومفكر
مسلّم:ان شاءالله بيكووووووون خلاف شهرين
موزه: شوووووووه !!! شهرين؟؟
مسلّم بجديه: هيه نعم
موزه: لاوالله ماستوى..شو انا بعدنيه ما اتزهبت ولا اشتريت ولا سوينا شي..انت شي بلااااك؟؟؟؟
مسلّم: والله ظنتيه تقدرين اتخلصين شغلج في هالشهرين
موزه: لا مسلّم ما بقدر
مسلّم: والله هب مشكلتي المهم انه وصلج العلم..العرس خلاف شهرين..رضيتي والا برضاج
موزه: لا اني رضيت ولا انه برضايه
مسلّم: دام انه هب برضاج ..برضايه انا....العرس اخلاف شهرين
موزه: مسلّم حرااااااااام عليك
مسلّم: ماحيد حد محرمنه
موزه:--------
مسلّم: يالله تراج وايد ذرقتي بالرمسه فداعت الله
موزه !!!!!!!!!!!!!!!!!!!!!: فداعت الرحمن
** في ميلس الريايل**
بو مسلّم: خلاص يعني العرس تحدد بعد شهرييين ..شو رايك مانع؟
مانع: والله الشور شوركم ياعمي ...تراه ولدكم وهيه بعد بنتكم
بو مسلّم: والله انا رايي انه يتم بعد شهرين احسن
مانع: بسسس...نحن قلنا انه عرسي وعرس مانع بيتم في يوم واحد
بو مسلّم: انزين رمس العرب شوف شو بيقولون
مانع: ان شالله امايه بترمسهم باكر
مسلّلم يبى يغلّس ع مانع: بس اذا ما طاعوا تراني بعرس عننك
مانع: موفق
****** في بوظبي******
في بوظبي كانن البنات مقررات انهن يسيرن المول ويتشرن...ونفذن كلامهن لكن تمنن لو حصه كانت وياهن بس للاسف حصه في العين والعالم الله بحالها
شميم تتنهد: آآآآه صدق احسن بهههم انزاح مني..افتكيييييت اشترينا وخلصنا ورتبنا بس ناقص كم من شي وبخلللللص
نواري: ما عليه ..باجر بعد سيري تشري.....وبعد تشري من العين
شميم: ان شاءالله ...بشوف شو عندهم..اتصدقيـــن ..............................(كانت شميم تتكلم ونواري سرحانه مب مهتمه لكلام نواري...كانت تفكر في عذاب سلطان...معقول الحين كل هذا يستوي ونحن ما ندري..ويحليلج يا حصوص انظلمتي وانضربتي كله عشان خاطر سلطاان..)
شميم: حووووه نواري..وين سرحتي
نواري: هااه؟؟لا ما سرحت مكان الا هنيه
شميم: هنيه والا عند ريلج
نواري: هه..دخيلج
********بعد اسبووع في العييين********
البيت كان ربشه ما بقى ع عرس شميييم الا اسبوع واحد يعني 7 ايام ...حصوووص ومريوم يعدل زهاب شمه وخالد وحمدان يتفاهمون مع منظم الخيمه...
حمدان: خلاص عيل تمام ما قصرت يا طويل العمر
المنظم: تسلم افندم ....ان شالله ربنا يوفقك
حمدان : الله يسمع منك
خالد: اقرب الميلس اتقهوى
المنظم: لا والله دانا مستعجل
خالد: انزين الا فنيااال هالكبر بعد ها
المنظم: ده من طيب اصلك..يالله بقى حنشوووفك معرس ياخالد امتا؟
خالد: ههههه لا تخاف يعزمك وبخليك انته ترتبلي خيمتيه بلااش بععععد
المنظم: ههههه ربنا يستر..خلاص حروح
خالد : ربي يحفظك
حمدان : فداعت الله الشيخ
....سار المنظم عنهم.....
حمدان: خلاص بعد انا بسير بعدني والله ما خلصت ...لا اني مشتري عطورات ولا شياته
خالد: افااااا يالمعرس..قلنا نحن انته بتخلص قبل شميم
حمدان: ربك والله ما قدرت
خالد: ما عليه عيل
حمدان: فداعت الله
** سلطان يتصل بك**
خالد: مررررررررحبا مليااااااار
سلطان: المرحب لهاااااان فديتك
خالد: شحاااالك
سلطان: بخييييير يعلك الخير
خالد: شو مسوي
سلطان: والله ترتيب...هاه شو رتبتوا خلصتوا
خالد: والله توه المنظم سار عنّا..والحمدلله ما بقى الا شويه
سلطان: خالد
خالد: لبيييه
سلطان: انا حاط في بالي سالفه من زمان ما قدرت اقولك اياها..واليوم انا تشجعت
خالد: كلي اذان صاغيه
سلطان: حصه !!!!
خالد : بلاها؟؟؟ سبتك؟؟؟والا واقعتك
سلطان: لا والله السالفه جد
خالد: انزين حصه شو لها؟
سلطان: هيه مشكلتيه
خالد: وضح اكثر ما فهمتك
سلطان: شووف انا رمست ابوك بو سيف عن السالفه ..وهو راضي بي
خالد: بلاك ترمي بالالغاز
سلطان: انته صدق ما فهمت
خالد: سلطان ارمس عدل
سلطان: انا احب حصوووص وطلبتها من عمي
خالد: كيييييف؟؟؟
سلطان: طلبت حصوص
خالد: والله والنعم...بس ما تشوفها صغيره
سلطان: لا والله انها لا صغيره ولا شي..اتناسبني البنيه
خالد: موفق ان شالله
سلطان: انته اول واحد دريت من بعد والديك وامي..ولا تخلي حد يدري بالسالفه غير موعدها
خالد : افا عليييك ..سرك في بيير
الجزء 27
سكر خالد عن سلطان وهو يفكر في سالفة حصة وولد خالته سلطان اللى اعترف انه يحب حصوص.....خالد لازم يفرح لان اختهبياخذها ريال مثل سلطان لكن في نفس الوقت لازم حصوص بعد تكون معتنقه في ولد خالتها سلطان..دخل خالد الصاله ومحد كان موجود..نزلت حصه تربع ع الدري وما نتبهت حق اخوها...
خالد:حوووووووووه...بلاج نحن هنيه؟؟!!
حصه:اووه خالد..اسمحلي عاد ما شفتك
خالد:بلاج ترابعين...شي تبين؟؟
حصه:امي قالت انها حطت لي فستاني في حجرتها وبعدني ما قايسته
خالد: وانا اتحسب شي مستوي...اخر شي تربعين عشان فستان؟؟
حصه:هيه فديت فستاني ..يزرا..فديت البنكي والله
خالد:السماوي بيطلع احلى
حصه:هيه لازم...القلب
خالد:اكيييد
حصه:انزين تعال شوف فستاني
خالد:انززين هاتيه
حصه:اوكي
ظهرت حصه من حجرة امها بعد 7 دقايق وهي لابسه الفستان شافها خالد وقال:ماشالله حلو
حصه تتشقق:ادري
خالد :مالت عليج ..كنت اجاملج لا تصدقين عمرج
حصه:هههه..غصبن عنك حلو
خالد:حصه....ابا اكلمج في سالفه بس متردد
حص عرفت ان السالفه فيها سلطان:برايك دام متردد لا تقولها وصدت عنه بتسير..الا امها وخواتها داشات البيت
ام سيف:السلاام عليكم
حصه+خالد:وعليكم السلام
حصه:اميه شرايج؟؟
ام سيف:ماشالله ماشالله..حلو
شمه:روووووووووعه رووعه حصووص وايد مسونه حلو
مريوم:لا شكلج بتغطين عليه
حصه:احم احم
هنيه سيف دخل البيت حصه اول ما شافته سارت
سيف:السلام عليك خالد...شحالك
خالد :وعليك السلام..بخير ربي يسلمك
ام سيف:انا تعبانه بسير ارقد خلاص ما اتحمل اكثر
خالد:هيه لازم من الحوامه
ام سيف:الله يقلع هذا المول مادري شو اسمه
خالد :ههههههههههه
ام سيف:خالد فديتك وين ابوك عنك
خالد:والله سار صوب بو سعيد
ام سيف:اهااه ....خلاص عيل انا بسير ارقد
خالد:اوكي تصبحين على خير
ام سيف :وانته من اهله
(سارت ام سيف جحرتها)
خالد:سيف
سيف:لبيه
خالد:شو صار بينك وبين سلطان ولد خالتيه
سيف:ما صار شي
خالد:سيف ما احيدك بتخش عني اي شي
سيف صد صوب خالد:شي قالك هووه؟
خالد:قالي انه تواقع معاك
سيف:شووه
خالد:انزين ليش؟
سيف:كيفي انا ماريد ارمسه تواقعت معاه لان خاطري اتواقع واللى هب عايبنه......
خالد:انا هب عايبني!!!
شيف تم واقف ويشوف خالد وفي خاطره "والله ياخالد عايبنك والا مب عايبنك تراك ما بتأخر ولا بتقدم...وهذا اللى اسمه سلطان حتى حصوص ما بيشوفها في احلامه"وصد عن اخوه وسار حجرته
نزلت مريوم من الطابق الثاني ومسويه عمرها ما تعرف شي
مريوم:خالد بلاه سيف معصب؟
خالد:شدراني به..جان اتخبرتيه كان قدامج
مريوم:حشا بلاكم كلكم معصبين؟
خالد:انا بسير حجرتيه..خلي حصوص تييني
مريوم: ان شاء الله (وربعت مريوم صوب اختها حصوص
مريوم وفجت الباب بقو:حصوووووووص الحقي!!
شمه:بسم الله شو صاير؟
مريوم:خالد يباج تحت في جحرته
حصوص:بسم الله زيغتيني..انا قلت شي مستوي والا شي....ثرها السالفه الا خالد يباني
مريوم سكتت
حصوص:برايكم انا بسير صوبه وبرجه(ظهرت حصوص)
مريوم:حليلها حصوص والله
شموه:ليش
مريوم :انا اعرف ليش خالد يبى يرمسها
شمه:ليش؟
مريوم:انا يوم قلتلكن بنزل..نزلت وسمعت خالد وسيف معصبين والسالفه فيها ولد خالتيه سلطان
شمه:اوهووووووو...ردينا ع سلطان
مريوم:اصلن ما خلصنا منه
شمه ويلست ع الشبريه:افففففف....عيل الله يعيين!!
***في جحره خالد***
حصه وهي نازله من فوق تفكر ف شوه اخوها خالد يبى يرمسها..اكيد السالفه عاديه..انا ليش جيه خايفه..امم..وصلت حصه ودقت الباب
خالد:دشي حصووص
حصوص ودشت:هلا خالد
خالد مبتسم :تعالي ايلسي
حصوص ويلست ع الشبريه (خالد كان مجابل كمبيوتره)
حصوص:خير خالد قالت لي مريوم انك تباني؟؟
خالد صد صوبها:هيه اريد ارمسج
حصوص:ارمس انزين
خالد:شوفي حصوص..انا ما يحقلي ارمسج في هالسالفه لان انا مالي خص فيها
حصوص:خالد اذا كان قصدك عم سبب زعليه من سيف تراه هوه ضاربني بليا سبب..وانا ما اريد ارمسه خلاص
خالد:شووه؟؟؟؟ سيف ضاربنج؟؟؟
حصوص مبهته:ليش انته مب هاي السالفه اللى تبا ترمسني فيها؟
خالد :لا...
حصوص:امممممممممممممممممم..� �نزين قول لي شو سالفتك؟؟
خالد:اول شي قولي لي ليش سيف ضربج؟؟
حصوص:مادريبه..بس هوه كان متواقع مع ولد خالتيه سلطان واخوه منصور
خالد:اهاااه...
حصوص:انزين قول لي شو سالفتك
خالد:حصه بتجاوبيني بصراحه؟؟
حصوص:ومن متى انا اكذب عليك؟
خالد:اممممممممم ولا مره..بس يوم وهقتيني مع ابويه يوم طحتي من السيكل
حصوص:ههههههههههه....بعدها ف خاطرك هالسالفه
خالد:ولا بنساها..من ذاك اليوم وانا ما خذت سيكل
حصوص:انزين شو تباه السيكل الحين تسوق اودي
خالد:راحت ملح الاودي ف الحادث
حصوص:والله فدوه عن راسك
خالد:انزين مب هذا موضوعنا
حصه:شو موضوعنا؟؟
خالد:سلطان ولد خالتيه
حصوص ومعقده حياتها:بلاه ان شاء الله؟؟
خالد:اذا يا خطبج بتوافقين؟؟
**في بوظبي**
الصبح ناشه ام منصور وسايره صوب بيت ييرانهم تسلم ع ام فاطمه...والبنات سارن مع الدريول اييبن فساتينهن..سلطان يالس مع منصور ف الميلس
منصور يجلب في التلفزيون:لا بوه ولا بو الحب شوف محلاتها
سلطان:مالت على هالذوق وين حلوه..طاع كيف تتميع ف رمستها
منصور:والله انها مزيونه وصوتها يجنن..اتحداك اتييب لي وحده شراتها
سلطان:شي مليون شراتها والله واحسن عنها بعد
منصور:مشكلتها كويتيه امي ما بترضابها..لو هي اماراتيه عليه اني اخذها
سلطان:بس بس فكنا..غير عن هاي القناه
منصور:ما با...ماتبى اتشوف اجلب ويهك
سلطان:اوكي ..انا براويك(سار منصور صوب سيارته وامررره وقفها جدام باب الميلس وشغل المسجل وحط اغنيةgetbusy علا الصوت ع الاخير غياض ف اخوه
منصور:حوووو..قصر فضحتنا عند العرب
سلطان:بتبدل القناه والا لا؟؟
منصور:لاا
سلطان :اوكيه برايك
منصور:انته اللى بتييب الرمسه لعمرك هب انا
سلطان ويغايض منصور..وطلع التلفون وقابضنه ف ايدينه يحركه يمين يسار
منصور:يالسباااال تلفوني..هاته
سلطان:بتبدل والا لا
منصور:انزين انزين بس هات التلفون
وتموا الشباب على هذي الحاله منصور بدت عيونه تزيغ يشوف يمين يسار منيه مناك..حتى انه قام يتمشى في المولات ويرقم (ضاع الريال) اما سلطان غير بطاقته وما عطى رقمه غير ربعه اللى دوم معاه..وحقر ربيعه اللى كان يوزع رقمه..بالنسبه لسيف..تمت خطبته لبنت عمه"حمده" وعمه حدد العرس انه يكون بعد عرس شميم بشهرين..خالد كان يفكر في حالته ومتى يقدر يمشي لانه قرر انه يخطب يزوي..اخيرا
البنات:
نواري تشقح وتنطح استوت على اي دقه عصبيه مثلا ذاك اليوم كلهم يالسين ع الغدا يتغدون منصور يطفربها وما حسب بعمرها الا وجابه اكلها كله على ويه منصور (يستاهل ما ياه المغازلجي) يزوي...مبتلشه بعمرها بعد تجهيزات عرس شميم والامتحانات ف نفس الوقت شاغله قلبها تفكر في خالد ولد خالتها...شمه حالتها حاله وتسوي وتعدل من هنيه وسيف وخالد يخربون من هناك...كل ما شافوا شي حلو عندها ف الحجره صادروه حجرتهم وعقب ما يخربونه يردونه عندها..مريوم..بدت امتحانات الكليه عندها وصارت وايد تفكر بالمواقف اللى تستويلها "وعبدالله" موجود!! حصوص...مصريه تدرس حق الامتحانات وحاطه جدول كاتبه عليه يوم الخميس (اجازه ماشي دراسه) لان يوم العرس
*يوم العرس*
توه مأذن الفير والبنات كلهن ناشات يصلن..
شمه وتدق باب حجره حصوص:يالله حوووه نشن اذان اذان
حصوص:انزين نحن ناشات من قبلكم
شمه:شي طيب
سارت عنهن تحت صوب المطبخ..يالسه اتسوي الريوق حقها وحق البنات الباقيات...شمه اتفكر اليوم عرسها كيف بتلاقي حمدان وكيف بتكون حياتها معاه..ان شاء الله ما يكون شي يخربها
وتفكر كيف بتتعود انها اتعيش بعيد عن ابوها وبعيد عن امها وعن خواتها وعن خوانها..اكيد بتفدقتهم وبتشتاق لهم وايد
فجأة حسب بويهها يدق الطاوله ثره الا سيف وضاربنها ع راسها:هااا العروس شحالج؟
شمه:الحمدلله يسرك الحال...من وين ياي المسيد؟؟
سيف:هيه نعم
شمه:تقبل الله
سيف:منا ومنكم ان شاء الله...صليتي انتي؟؟
شمه: الحمدلله
سيف:خواتج؟
شمه:هيه بعدهن يصلن فوق
سيف:انزين يالعروس شو شعورج وانتي اليوم عروس؟
شمه:امممم..اصلن انته ما يبت شي يديد...انا كل يوم عروس وشعوري عادي
سيف:يعني مب فرحانه؟؟
جان تيي نواري
نواري:اكييد فرحانه لانها بتفارق الشيفه خالد وسيف
شمه:ههه حرام عليج
سيف:هاهاها..دخليج بطني بينفجر...لا تضحكيني اكثر لو سمحتي
نواري :فالك طيب
سيف:صدقت عمرها هاي..انته ايييه..بكسرلج ضروسج
نواري:جان فيك هبه تعال
سيف :لالا حرام اخرب جمالج بعدين...اتخيلي عاده تضحكين بليا ضروس
نواري:يعلها حرمتك ان شاء الله
سيف:فال الله ولا فالج...كله ولا حرمتيه..يالغيره بعدها ما بت وبدعن عليهاا من جمالها لو بتيي شو بتسون عيل؟؟
نواري:بنضحك عليها وع الجمال اللى تطريه.هههه
شمه:هههه..بسكم انتوا...سيف سير ازقر الشباب...وانتي سيري ازقري البنات...لازم كلنا نتيمع اليوم
نواري:من عيوني فديتج
سيف يقلد نوره:من عيوني فديتج
نواري لبست سيف ويارت فوق عند البنات
نواري :السلام عليكم..صباح الخير
البنات:وعليكم السلام..صباح النور
نواري:يالله تحت..شموه عازمتنا ع الريوق
حصوص:شو الريوق بيض؟؟؟ ما فيني ع الصبح
نواري:اممممممممم والله ما شفت
حصوص:اكيد بيض هاي ما تعرف اتسوي غير البيض..
نواري:لا والله..بنت خالتيه حرمه..تسوي كل شي
حصوص:عليها...ما كنت ادري انج جيه تعصبين بسرعه
نواري:يوم السالفه تخص شموم..لازم اعصب
حصه:انا قلت جيه لاني اتحسبها عدالج..
نواري: لا هييه تحت..مسويين لمه بيننا وبين شباب العايله المزايين
مريوم:اسميها اليلسه خطيره عيل
يزوي:وربشه وحلوه من صباح الله خير
نواري:انزين يالله عيل شرفن
حصوه:بلحقكن خلاف
نواري:اوكيه
الجزء 28
نزلن البنات من عند حصه وتمت حصه بروحها في الحجره تفكر ..الحين كيف بتجابل اخوها سيف ..وهي اصلا مالها بارض لشوفه ..من بعد ما ظربها وبهدلها ....بس ف النهايه سيف بيتم اخويه وبشوفه رضيت والا ما رضيت طال الزمن والا قصر...بس هو غلطان ولازم يتحمل عواقب اغلاطه (دقت حصه راسها بايدينها) هذا اخويه العود انا شو يالسه اقول عنه ..عييييييب حصوه !!خلني انزل تحت اشوف يلستهم شوه ...فجأه طرى "سلطان" في بالها تمت تفكر تفكر فيه في خاطرها ليش انا علاقتيه جيه استوت معاه ..كيف كانت وكيف استوت ياليت لو ترجع نفس ماكانت ونرجع سوالف وضحك..يلست حصه مع نفسها تفكؤ في المواقف اللي استوت بينها وبين سلطان وتذكر اول مره قالها سلطان حصه انا "أحبج" ابتسمت..لكن ماسرع ماختفت الابتسامه يوم تذكر سالفة البنيه اللي اتصلت به وعصبت وماتدري شو كان السبب...يمكن تغااار لانها بدت ....... الله يعلم !! انسدحت حصه ع الشبريه ونست سالفة البنات تحت ورقدت
** في الصاله**
السالفه اللي كانت بين سلطان وسيف انحلت بفضل خالد طبعا اللي ادا ماكان بيرضا اتم بين اخوه وولد خالته
سيف:عرووسنا
شموه: هلا
سيف: البيت بيستوي بايخ من دونج
منصور:هييه ومحد بيخدمنا مثلج يالخدومه ( مع الاحترام بنات)
خالد: ومحد بيعابل اميه في المطبخ(ماقصد الاهانه بنات)
سلطان ناوي يخربها: عندج لج حل..شو راييييييييييج ما تعرسين!!
شمه تمت ساكته
خالد: سلطان ..ما اتفقنا ع جيه هههه
سلطان: هههيزوي: انتوا اييه ايه اشوف مصدقين عماركم..هنتونا بما فيه الكفايه ويا دورنا..يله بنات اشتغلن
نواري: ويا راسكم اذا نحن ما ندش المطبخ بكيييفنا ولا نعابل ولا نخدم كييفنا..هب شراتكم من انقول لكم ودووونا مكان ..والله مش فاضيين مواعدين ريال ..
منصور: صراحه صراحه الفتره الاخيره انا كنت مشغول ..بس ما كنت اواعد رياييل ..اواعد بنات بنات ههههههه
نواري: الله يبحصهن
يزوي: خلاص انزين ..الله يوفقج شموه وايهنيج ان شالله
خالد ويشوف يزوي: آآآآمين الله يسمع منج وعقبااالج (وسوا حركه بأصابعه قصده فيها انا وانتي)
يزوي ضحكت ونزلت راسها
مريوم :شبــــــــــــــاااااب
منصور: بسم الله ياهالصوت لا تصرخين ..قولي شو تبين
سيف: عوونج
مريوم : سوري منصور...اليوووووووم ماوصيكم احلا رزفه واحلا يواله
سلطان: لا توصيييين مقررين من البارحه
سيف: والله لأشل العرس شل
يزوي : ع تايريين ..
سيف: هههههههه يت حصوص الثانيه
خالد: عاد يوم بيي انا ايول عند الحريم يزوي تعالي انعشي معايه
منصور: والله زين جان ماقرعها
خالد: هههههههه لا اصلا انا وين واليواله وين ماقدر
شموه: فديتك خالد..لا تحط في خاطرك ان شالله في الاعراس اليايه
خالد: الله يسمع منج ..في عرس هالشيفه ع قولة نواري
سيف: والله محد شيفه غير ريلها
خالد: هههاي
نواري: عاد مالك خص فيه
سيف: عاد مالك خص فيه( يقلدها) ماترضا اونها
نواري: الحين عاد بتخبرك..من زينها حرمتك تيي ترمس عن ريلي
سيف: شيييييخه المزايين
نواري: ها ها ها لا تضحكني دخيلك بنفجر من الضحك (تقلده) ولو هي مزيونه تراه ريلي بعد مزيووون لكن الفرق امبينهم انه ريلي مش خقااق
شموه: اوهوووووووو ..بس
مريوم: نواري شوي شوي ع اخويه ..ههه
خالد: صراحه اوقعلج ..اثبتّي انج اخت سلطان
سلطان: ههههههههه
بوسيف توه ياي من الصاله
بو سيف: السلااام علييييييكم
الكل: عليكم السلاام ورحمة الله وبركاته (كلهم نشوا وحبوه فوق راسه)
بوسيف: كيف اصبحتوا؟
الشباب: بخير ونعمه
البنات: الحمدلله ...وانته؟
بو سيف: الحمدلله يسركن الحال..علومج فديتج شميم؟
شموه: الحمدلله بويه تسرك علومي
بوسيف: بنتي اليوم تراه عرسج بتسيرين عنا..والبنت من تنولد وتكون غريبة في بيت اهلها ومصيرها تروح بيت ريلها ..عاد احينه اعتبري نفسج من اليوم في بيت ريلج ..والحرمه يوم بتعرس تراها تعكس تربية اهلها ...اذا كانت تربيتهم زينه والا لا عاد يا بنتي ما وصييج جابلي ريلج وشوفيه شو يبا شو ما يبا..ولا تنسين عمتج وعمج يا بنتي..لا تقصرين
شمه: ان شالله ابويه
** بعد آذان العصر**
الشبيبه كلهم مشغولين اللي مشغول بتعديل سيارته حق المسيره(سيف)واللي ساير اييب الكنادير من الدوبي (منصور) واللي ساير ايوصل الكوافيره (سلطان) اما خالد الوحيد اللي يالس فس البيت وفي الصاله بالتحديد ايشوف يوم حصوص نازله من الدري سايره المطبخ اتييب المدخن وايشوف امه يوم تتواقع مع البشكاره ..وايشوف خالته يوم اتسير واترد عند البنات فوق
خالد يتحرطم مع نفسه: خيبه يالحريم يكبرن السالفه وهي صغيره ما تسوى عيل في عرسي انا شو بيسوون ..فديتها يزويه يعلها ان شالله تكون من نصيبي وسرح واتخيل لكن يا فرحه ما تمت ...قاطعته مريوم..
مريوم: خااااااااالد ...خويلد..خلااااد (تصارخ)
خالد: عووونج..بسم الله شو مسويه في عمرج ؟؟!
مريوم: ليش مش حلوه
خالد: لا كنت امزح معاج ..اشوف دوري شوي..
مريوم دارت
خالد : عاشت ..دوري كما الناقه ..هههههههه تذكرين ..رديتها
مريوم: هههههههه
خالد: لا والله ماشالله علييج حلوه ..اختيه ما تنلامين
مريوم شقت الحلج : تسلم
خالد: وينهن الباقيات
مريوم: فوق كلهن
خالد: انزين وديني ابى اشووف شموه فديتها
مريوم: اصبر شوي
خالد: لين متى بصبر ابى اشوفها
ام سيف: ماشالله ماشالله
مريوم ابتسمت
ام منصور: بتغطين ع الباقيات شكلج
مريوم: لا عاد مب لهذي الدرجه..انتن ما شفتن الباقيات
خالد: مريوم تراهن يقصن عليج انتي مش حلوه
مريوم: اعرف نفسي حلوه انزين
ام سيف: افا عليج ياوخيتي..عيالنا وبناتنا كلهم مزايين ربي يحفظهم ان شالله
ام منصور: ان شالله
ام سيف : قومي انسير فوق خاطريه اشوف شمه فديتها
مريوم رعت وقفت ع الدري: ممنوووووع
ام سيف: عنبوه شو ممنوع بعد..بنتي وابى اشوفها
ام منصور: ؟؟؟؟؟
مريوم: انزين بلاكم كلكم محتشرين تبون تشوفونها اصبروا عليها
ام سيف: شو نصبر خلاص هيه خلصت
مريوم: يالله..ولو خلصت اصبروا شوي
نواري من فووق : مريوم حد تحت
مريوم: لااا
نواري: انزين الحين بنحول تحت
ربعت نواري وشغلت اغنية زفت شمه ..ونزلت شمه من فوق وعدالها يزوي وحصوص شمه كانت روعه ماشالله عليها كانت حلوه..امها اول ما شافتها بغت اتصيح ..بس زخت عمرها عشان خاطر بنتها شمه وبو سيف اللي موصنها ما تصيح
ام سيف: ماشالله ماشالله ..احلى عرووس شفتها لين احينه
ام منصور: ماشالله
خالد: انزين قومن من قدامي حتى انا ابى اشوف
يزوي انصدمت اول ما سمعت صوت خالد هيه كانت نازله من غير وقايه ..نازله ع كلام بنت خالتها ان محد في الصاله ..سارت يزوي فوق طبعا بعد ما شافها خالد واستانس ع ام السماوي
خالد: فديييييييييت شموه ياربي
شمه تبتسم لهم
خالد: والله انج تعقين الطير من السما
انفتح باب الصاله ودخل بو سيف مع الشباب كلهم ..بو سيف اول ما شاف بنته شمه استانس عليها..الحمدلله البنيه راضيه عن عرسها ومحد غصبها فديت بنتي شمه
حصه كانت صاده عند الباب يعني ما شافت لا ابوها ولا الشباب..
بو سيف بنبرة غضب: حصه !!
حصه نقزت في مكانها وصدت صوب ابوها : هاه بويه؟؟
بوسيف: شو هالشعر اللي فالتنه
حصه: _____________
شو سيف: سيري عند الحرمه خلها ترفع لج اياه
حصه: ابويه هي سارت..انتبهت على عيال خالتها وسارت فووق
سيف: السلام عليكم
الكل وعليكم السلام
سيف: ماشالله ماشالله على العروس
ام سيف: عقبال ما نشوف عروسك ياربي...
سيف: ان شالله
خالد: هييه قالت حق سيف بس ما قالت لي انا
ام سيف: فديييييييتك يا خالد..والله عروسك احطها ع راسي
خالد : لا والله هي بتحطج ع راسها
سلطان ومنصور: مبروك بنت خالتيه والله يوفقج
شمه: الله يبارك فيكم ..عقبالكم
** في بيت ام مانع **
النيره: يله موزوووووه
ام مانع: بطت وايد..ليكون هيه العروس ونحن ما ندري
النيره: لا بس شكلها حالفه اتدش خلاف العروس
موزه ونازله من الدري: هاذي انا خلصت
ام مانع: ماشالله
موزه: فديييييييت شموه بتعرس
النيره: مب وقته التقدي احينه ..مانع محتشر علينا في السياره
موزه: انزين كلتيني
** في بيت ام سعيد**
ام سعيد وهي طالعه من حجرتها: فديتك سعيد سر شوف ختك ميثة جان خلصت والا لا
سعيد: من عيووووووني يالغاليه(سار سعيد عند اخته ميثه دق باب حجرتها)
ميثه: دش دش
سعيد: السلام عليكم ورحمة الله
ميثه: وعليكم السلام والرحمه
سعيد: شووه ما خلصتي
ميثه: امبلا بس بلبس عباتيه وبيي
سعيد: ميثه ..ممكن ارمسج قبل لا تنزلين ؟
ميثه يلست حذال اخوها: آمر
سعيد: حصه!
ميثه: كنت متأكده ...بلاها؟؟؟
سعيد: والله لين احين احبها
ميثه: سعيد انت ما تفهم ؟؟؟ انت ما عندك عزّة نفس؟؟ ولا كرامه ! كل هالكلام اللي قالتلك اياه وبعدك تحبها؟؟
سعيد: ميثوه فديتج افهميني ...والله الواحد ما يقدر يتحكم بمشاعره
ميثه: لكن هييه ما تحبك ما تبادلك الشعور..هي انسانه ما تحب هالسوالف
سعيد : انزين ما تحب هالسوالف مب معناته ما تبادلني الشعور...اصلا حصه تخاف تسوي اي شي من ورا اهلها ..عشان جيه قالتلي هالكلام ...لانها متربيه ...انزين شوفي بقولج شي
ميثه: شوو؟؟
سعيد: انتي رمسيها في السالفه وطالعي شو بتقول؟؟
ميثه: اقولها شوه؟؟
سعيد: قوليلها اني لين احين احبها وطالب القرب منها
ميثه: صدقك بتاخذ حصه؟؟؟؟؟؟؟؟!!!
سعيد: هيه ليش شوفيها حصه ؟
ميثه: لا بس هيه صغيره !
سعيد: لا ماعليج مب صغيره ولا شي...انتي رمسيها ف السالفه وخلاص
ميثه: اوكي ...خلاص برمسها وبشوووف !!
** في خيمة الرياييل**
بو سيف يالس يرحب بالمعازيم ويقربهم ومعاه ولده خالد ..الشباب سيف ومنصور وسلطان من اول ما بدوا اليويله يدقون وهم شالين العرس يواله ورزف
سيف: خلاص شباب بسني تعبت
سلطان: هيه والله حتى انا ريولي عنّت
منصور: انهد حيلي..بس تستاهل بنت خالوه نشل عرسها
سلطان: وينه المعرس ما بيّن لين احينه
سيف: تلقونه عند ابويه
سلطان : بس ماشالله يالرياييل ..تارسين العرس تري..
سيف: بعدهم ما يوا....قوم سعيد وخليفه السويدي ومحمد ولد عمهم ..وعبدالله نسيته بعدهم ما يوا الشباب
منصور: صدقك تعال بسير اتصل بعبدالله بشوفه وين
سيف: تعال سلطان بنسير صوب خالد
سلطان: يالله انزين
وتوهم بيمشوه
حمد: السلام علييييييك ولد عمي
سيف يقول هالصوت مش غريب صد ورا شاف حمد: هلا والله وعلييييييك السلام ورحمة الله
حمد: وشحالك ؟؟
سيف: والله يسرك حاليه...وانته علومك
حمد: تسرك العلوم والله.. وين دارك ياريال ما شفناك من زمان؟؟
سيف: الا ف الدار والله ..لهينا ف العرس شوي
حمد: مبروكين ..عقبالك انته وخالد
سيف: وانته ؟؟؟ماسح عمرك من اللسته والا شوه
حمد: ههههاي..لا ياريال
سيف: الا ما عرفتك..سلطان ولد خالتيه
حمد: اوه اوه ..والله ما عرفته..مرحبا
سلطان: المرحب لهان ..وشحالك؟
حمد: بخير ونعمه ..وانت
سلطان: يسرك الحال
سيف: انزين يله قوم بنسير صوب خالد
حمد: يله
