يا أهلاً بمحبين ومتابعين الروايات باللهجة المصرية، رواية جواد بلا فارس من الروايات الجميلة اللي صادفتني لما كان عندي سبعة عشر سنه أو يمكن أقل كمان، فـ النهاردة هقدم لكم مقال بسيط وسريع عنها، على أمل أنها تبقى في قائمة القراءة عندكم، نبدأ؟!
قبل ما نبدأ في أحداث روايتنا النهاردة، خلينا نشوف لمحة سريعة عن شوية من الشخصيات المهمة الموجودة فيها:
أولاً: الشخصيات الرئيسية:
بتبدأ الرواية بشخصية آدم خطاب اللي من اول فصل بتعرفنا الكاتبة عليه أنه شخصية جذابة جداً، ولكن هو شخص بعيد عن ربنا جداً، مع اول صفحتين بتعرفنا الكاتبة بعدها على شخصية البطلة، وهي "آيات" طالبة في كلية التجارة.
في البداية بنتعرف بسرعة على الشخصيات الرئيسية زي "أسماء" واللي بيبان أنها صديقة مقربة جداً لآيات، وكمان شخصية "أحمد" الشاب المعجب بآيات وبيحاول يتقدم لها ويخطبها أكتر من مرة بس بيلاقي رفض.
آيات وأسماء غير ملتزمين بالزي الإسلامي، برغم أنهم من البنات المحافظة على الصلاة، على عكس "سمر" و"إيمان"، واللي من اول ظهور ليهم بنعرف أنهم بنات ملتزمات بالزي الإسلامي، بس بالرغم من كدا بتربط الأربع بنات علاقة صداقة قوية جدا وجميلة.
نرجع بعدها لدكتور آدم اللي كل هدفه في الحياة أنه ينتقم من "سراج حسن اليماني" وابنه "عاصي"، ودا لأنهم خدعوه وقاموا بأذيته بشكل كبير، مع الأحداث بنعرف أن آيات معجبة جدا بآدم ودا بسبب موقف حصل معاها في أول يوم جامعة لما دافع عنها من سواق تاكسي حاول ينصب عليها.
في يوم من الايام كانت الكلية محضرة لرحلة للطلاب، والمشرف عليها كان دكتور آدم، وبيعرف وقتها اسم آيات اللي بينصدم أن عمها بيكون "سراج" اللي بيحاول ينتقم منه.
من اللحظة دي بيقرر أنه ينتقم منه من خلال استغلال بنت أخوه، فيبدأ خطته اللي بيحاول فيها يخلي آيات تحبه وتتعلق فيه، لكن ميعرفش أنها معجبه بيه بالفعل، ودا سهل الموضوع جدا عليه، فقرر يتقدم لها ويخطبها.
خلال الفترة دي كان انتقام ادم من عائلة حسن اليماني بيزيد، لكن مع الوقت بيتعلق بآيات وبيعرف أنها بنت بريئة وطيبة، ومع نصائح صديقة زياد المعترض على خطته من البداية، بيصارع آدم ضميره، فيبدأ يحبها وبيقرر أنه يغير الخطة ويكشف هدفه ليها بعد كتب الكتاب ويشاركها خطته.
بتتم الخطبة ويتحدد موعد كتب الكتاب ولكن قبلها بدقائق بتكتشف آيات، أنها انخدعت وان آدم كان خاطب بنت عمها، بتنجح انها توقف كتب الكتاب، ووقتها بتدخل في حالة صدمة.
بيكتشف آدم أن "عبد العزيز" والد آيات قاطع علاقته مع اخوه "سراج" من سنين كتيره، ومفيش علاقة اخوه أو قرابة بتربطهم ببعض غير الدم.
طبعاً الرواية مش مركزة بس على شخصية البطلين وحياتهم، لكن الكاتبة اتكلمت عن حياة "اسماء" اللي بتعاني مع اهلها بسبب اختلافهم وخناقهم بشكل مستمر وعلى اسباب بسيطة، وبتوضح أنها شخصية مهملة من ناحية والدتها ودا سبب في أن لبسها وحياتها فيهم مشاكل كتير.
أما "سمر" فبجانب أنها دكتورة أطفال شاطرة، بنعرف أنها شخصية متدينة وعلى أخلاق عالية، ولكن والدها متخلي عنها وعن اهتمامه بيها، فهي عايشه مع والدتها بس، والموضوع دا مأثر نفسياً عليها، وعلشان كدا بترفض أنها تتزوج، خوفاً أن الشخص اللي تختاره يكون شخصية عديمة المسؤولية مع اطفالة.
شخصية "ايمان" مرحة جدا، وهي بنت ملتزمة وعلى خلق ومن عائلة ملتزمة بالتعاليم الإسلامية، ودا بيبان في شخصيتها وشخصية اخوها "علي"، مشكلة ايمان أنها بتعاني من الوزن الكبير، ودا مسبب لها تعب نفسي، وخصوصاً أنه بيكون سبب في رفض اي عريس يتقدم لخطبتها.
بتدور أحداث كثيرة داخل الرواية مع الشخصيات وخصوصا آيات اللي بيموت والدها وبتخسر بعدها كل ثروتها، فبتكون مضطرة تشتغل وتعتمد على حياتها، وبتشاركها أسماء الحياة دي من بعد ما قررت تطلع من بيت اهلها اللي اتدمر بسبب طيش والدتها ووالدها، تمر الايام لحد ما تقابل "كريم" اللي رجع لمصر بعد غربة طويلة.
بيعرف كريم اللي مرت بيه آيات وبيعرض عليها انها تشتغل معاه في مشروعة السياحي اللي قرر يفتتحه في "العين السخنه"، وقتها بيجمع القدر الأربع صديقات و"علي" اخ إيمان وكريم، وبيحاول كل واحد فيهم يبدأ حياته بشكل مختلف وجديد من خلال الشغل في المشروع السياحي.
ويرجع آدم يقابل آيات بعد سنين في "العين السخنه" بعد ما قرر يشتغل مع زياد في مشروع هناك، من اللحظه دي بتبدأ كل للشخصيات اللي اتعرفنا عليها في الرواية من البداية تتغير بشكل جذري.
لا اظن أن حد سبق وقرأ الرواية ومطلعش منها بدروس قيمة، فعلى سبيل المثال:
وضحت بشكل جميل ان طعم الحب في الحلال مفيش اصدق وأجمل منه، فوصلت رسالة لكل شاب أنه يحافظ على البنت اللي بيحبها من نفسه لنفسه، و لكل بنت أنها تبقى درة مصونة لزوجها.
حتى في النصائح كانت بتعمل تأثير مضر عليها ومن دون ما تحس أنه غلط، كمان تأثير شخصية "سمر" المتدينة والملتزمة كانت عامل إيجابي على الاتنين، بدأت آيات تتأثر بلبس سمر الواسع وبعدها اتحول الموضوع لأسماء.
شخصية سمر اللي اتاثرت بهروب والدها من المسؤولية، فكبرت وهي خايفة أنها تتزوج بشخص عنده نفس الطبع.
شخصية إيمان البنت اللي بتعاني من مجتمع شايفها غريبة وغير صالحة للزواج لمجرد وزنها الكبير.
قبل ما نختتم ملخص رواية جواد بلا فارس خلينا نتعرف على كاتبة الرواية المميزة، وهي الكاتبة الروائية الدكتورة منى سلامة، من مواليد عام 1985م ، مصرية الجنسية ومن محافظة المنصورة.
بدئت بكتابة الروايات الالكترونية في سنه 2013م، لكن كانت بتكتب تحت اسم مستعار وهو " بنوتة أسمرة "، وخلال الوقت دا نشرت عدد من الروايات، مثل: مزرعة الدموع - قط فى عرين الأسد - جواد بلا فارس - العشق الممنوع.
في سنة ٢٠١٥م صدر لها اول رواية ورقية باسم " كيغار"، من خلال معرض "القاهرة الدولى للكتاب"، ومن أعمالها الكتابية:
٦٧٤ صفحة هتلاقي فيهم ملل وحماس وضحك ومعلومات ونصايح دينية جميلة في نفس الوقت، يمكن في البداية هتكون الأحداث بالنسبة لك مملة ومش عارفة تجذبك، لكن اوعدك أنها هتبدا تتحسن مع كل صفحة.
اسلوب الكاتبة كان جميل وبسيط واللهجة المصرية فيه كانت لذيذة ومش معقدة، عجبني جدا دمجها للصورة أو الفكرة اللي حبت توصلها للشباب والبنات، بطريقة مباشرة وغير مباشرة.
اتكلمت عن واقع ملموس واجتماعي، وعلمتنا من بين السطور أن الامل موجود طالما أننا بنحاول نحسن علاقتنا مع الله عز وجل، علمتنا أن الحلال والحرام في كل صغيرة وكبيرة في حياتنا حاجة مهمه لازم تبقى موجودة قصادنا.
تقييم الرواية كقصة وسرد وهدف ١٠/١٠، وانصح بيها لكل الفئات العمرية وتحديداً المراهقين.
كتبنا أيضا عن:
ملخص رواية ارض زيكولا الجزء الأول
ملخص رواية أبادول روايات مملكة البلاغة
ملخص رواية سقطرى روايات مملكة البلاغة
ملخص رواية كويكول روايات مملكة البلاغة
ملخص رواية أمانوس روايات مملكة البلاغة
شخصيات من ملخص رواية جواد بلا فارس
قبل ما نبدأ في أحداث روايتنا النهاردة، خلينا نشوف لمحة سريعة عن شوية من الشخصيات المهمة الموجودة فيها:
أولاً: الشخصيات الرئيسية:
- آدم خطاب: بطل الرواية - صاحب شخصية جذابة ووسيم - عنده ٣٢ سنة - دكتور جامعي في كلية التجارة.
- آيات عبد العزيز: بطلة الرواية - طالبة في كلية التجارة.
- اسماء: صديقة آيات المقربة - طالبة في كلية التجارة.
- سمر: دكتورة أطفال - صديقة آيات وأسماء.
- إيمان: دكتورة اسنان - صديقة سمر وآيات وأسماء.
- زياد: صديق آدم - رجل أعمال.
- عبد العزيز: والد آيات.
- علي: الاخ الاكبر لـ ايمان.
- كريم: اخ آيات بالرضاعة.
- سراج حسن اليماني: اخ عبد العزيز وعم آيات.
- عاصي: ابن سراج - ابن عم آيات.
- احمد: طالب في كلية التجارة - معجب بـ آيات.
ملخص رواية جواد بلا فارس
بتبدأ الرواية بشخصية آدم خطاب اللي من اول فصل بتعرفنا الكاتبة عليه أنه شخصية جذابة جداً، ولكن هو شخص بعيد عن ربنا جداً، مع اول صفحتين بتعرفنا الكاتبة بعدها على شخصية البطلة، وهي "آيات" طالبة في كلية التجارة.
في البداية بنتعرف بسرعة على الشخصيات الرئيسية زي "أسماء" واللي بيبان أنها صديقة مقربة جداً لآيات، وكمان شخصية "أحمد" الشاب المعجب بآيات وبيحاول يتقدم لها ويخطبها أكتر من مرة بس بيلاقي رفض.
آيات وأسماء غير ملتزمين بالزي الإسلامي، برغم أنهم من البنات المحافظة على الصلاة، على عكس "سمر" و"إيمان"، واللي من اول ظهور ليهم بنعرف أنهم بنات ملتزمات بالزي الإسلامي، بس بالرغم من كدا بتربط الأربع بنات علاقة صداقة قوية جدا وجميلة.
نرجع بعدها لدكتور آدم اللي كل هدفه في الحياة أنه ينتقم من "سراج حسن اليماني" وابنه "عاصي"، ودا لأنهم خدعوه وقاموا بأذيته بشكل كبير، مع الأحداث بنعرف أن آيات معجبة جدا بآدم ودا بسبب موقف حصل معاها في أول يوم جامعة لما دافع عنها من سواق تاكسي حاول ينصب عليها.
في يوم من الايام كانت الكلية محضرة لرحلة للطلاب، والمشرف عليها كان دكتور آدم، وبيعرف وقتها اسم آيات اللي بينصدم أن عمها بيكون "سراج" اللي بيحاول ينتقم منه.
من اللحظة دي بيقرر أنه ينتقم منه من خلال استغلال بنت أخوه، فيبدأ خطته اللي بيحاول فيها يخلي آيات تحبه وتتعلق فيه، لكن ميعرفش أنها معجبه بيه بالفعل، ودا سهل الموضوع جدا عليه، فقرر يتقدم لها ويخطبها.
خلال الفترة دي كان انتقام ادم من عائلة حسن اليماني بيزيد، لكن مع الوقت بيتعلق بآيات وبيعرف أنها بنت بريئة وطيبة، ومع نصائح صديقة زياد المعترض على خطته من البداية، بيصارع آدم ضميره، فيبدأ يحبها وبيقرر أنه يغير الخطة ويكشف هدفه ليها بعد كتب الكتاب ويشاركها خطته.
بتتم الخطبة ويتحدد موعد كتب الكتاب ولكن قبلها بدقائق بتكتشف آيات، أنها انخدعت وان آدم كان خاطب بنت عمها، بتنجح انها توقف كتب الكتاب، ووقتها بتدخل في حالة صدمة.
بيكتشف آدم أن "عبد العزيز" والد آيات قاطع علاقته مع اخوه "سراج" من سنين كتيره، ومفيش علاقة اخوه أو قرابة بتربطهم ببعض غير الدم.
طبعاً الرواية مش مركزة بس على شخصية البطلين وحياتهم، لكن الكاتبة اتكلمت عن حياة "اسماء" اللي بتعاني مع اهلها بسبب اختلافهم وخناقهم بشكل مستمر وعلى اسباب بسيطة، وبتوضح أنها شخصية مهملة من ناحية والدتها ودا سبب في أن لبسها وحياتها فيهم مشاكل كتير.
أما "سمر" فبجانب أنها دكتورة أطفال شاطرة، بنعرف أنها شخصية متدينة وعلى أخلاق عالية، ولكن والدها متخلي عنها وعن اهتمامه بيها، فهي عايشه مع والدتها بس، والموضوع دا مأثر نفسياً عليها، وعلشان كدا بترفض أنها تتزوج، خوفاً أن الشخص اللي تختاره يكون شخصية عديمة المسؤولية مع اطفالة.
شخصية "ايمان" مرحة جدا، وهي بنت ملتزمة وعلى خلق ومن عائلة ملتزمة بالتعاليم الإسلامية، ودا بيبان في شخصيتها وشخصية اخوها "علي"، مشكلة ايمان أنها بتعاني من الوزن الكبير، ودا مسبب لها تعب نفسي، وخصوصاً أنه بيكون سبب في رفض اي عريس يتقدم لخطبتها.
بتدور أحداث كثيرة داخل الرواية مع الشخصيات وخصوصا آيات اللي بيموت والدها وبتخسر بعدها كل ثروتها، فبتكون مضطرة تشتغل وتعتمد على حياتها، وبتشاركها أسماء الحياة دي من بعد ما قررت تطلع من بيت اهلها اللي اتدمر بسبب طيش والدتها ووالدها، تمر الايام لحد ما تقابل "كريم" اللي رجع لمصر بعد غربة طويلة.
بيعرف كريم اللي مرت بيه آيات وبيعرض عليها انها تشتغل معاه في مشروعة السياحي اللي قرر يفتتحه في "العين السخنه"، وقتها بيجمع القدر الأربع صديقات و"علي" اخ إيمان وكريم، وبيحاول كل واحد فيهم يبدأ حياته بشكل مختلف وجديد من خلال الشغل في المشروع السياحي.
ويرجع آدم يقابل آيات بعد سنين في "العين السخنه" بعد ما قرر يشتغل مع زياد في مشروع هناك، من اللحظه دي بتبدأ كل للشخصيات اللي اتعرفنا عليها في الرواية من البداية تتغير بشكل جذري.
دروس مستفادة من ملخص رواية جواد بلا فارس
لا اظن أن حد سبق وقرأ الرواية ومطلعش منها بدروس قيمة، فعلى سبيل المثال:
- الحب:
وضحت بشكل جميل ان طعم الحب في الحلال مفيش اصدق وأجمل منه، فوصلت رسالة لكل شاب أنه يحافظ على البنت اللي بيحبها من نفسه لنفسه، و لكل بنت أنها تبقى درة مصونة لزوجها.
- الصداقة:
حتى في النصائح كانت بتعمل تأثير مضر عليها ومن دون ما تحس أنه غلط، كمان تأثير شخصية "سمر" المتدينة والملتزمة كانت عامل إيجابي على الاتنين، بدأت آيات تتأثر بلبس سمر الواسع وبعدها اتحول الموضوع لأسماء.
- الأهل:
شخصية سمر اللي اتاثرت بهروب والدها من المسؤولية، فكبرت وهي خايفة أنها تتزوج بشخص عنده نفس الطبع.
شخصية إيمان البنت اللي بتعاني من مجتمع شايفها غريبة وغير صالحة للزواج لمجرد وزنها الكبير.
كاتبة رواية جواد بلا فارس
قبل ما نختتم ملخص رواية جواد بلا فارس خلينا نتعرف على كاتبة الرواية المميزة، وهي الكاتبة الروائية الدكتورة منى سلامة، من مواليد عام 1985م ، مصرية الجنسية ومن محافظة المنصورة.
بدئت بكتابة الروايات الالكترونية في سنه 2013م، لكن كانت بتكتب تحت اسم مستعار وهو " بنوتة أسمرة "، وخلال الوقت دا نشرت عدد من الروايات، مثل: مزرعة الدموع - قط فى عرين الأسد - جواد بلا فارس - العشق الممنوع.
في سنة ٢٠١٥م صدر لها اول رواية ورقية باسم " كيغار"، من خلال معرض "القاهرة الدولى للكتاب"، ومن أعمالها الكتابية:
- رواية من وراء حجاب.
- رواية قزم مينورا.
- رواية ثاني أكسيد الحب
- رواية بلاد تركب العنكبوت
- رواية القصر الأسود
- مجموعة احكى يادنيا زاد.
تقييم الرواية
٦٧٤ صفحة هتلاقي فيهم ملل وحماس وضحك ومعلومات ونصايح دينية جميلة في نفس الوقت، يمكن في البداية هتكون الأحداث بالنسبة لك مملة ومش عارفة تجذبك، لكن اوعدك أنها هتبدا تتحسن مع كل صفحة.
اسلوب الكاتبة كان جميل وبسيط واللهجة المصرية فيه كانت لذيذة ومش معقدة، عجبني جدا دمجها للصورة أو الفكرة اللي حبت توصلها للشباب والبنات، بطريقة مباشرة وغير مباشرة.
اتكلمت عن واقع ملموس واجتماعي، وعلمتنا من بين السطور أن الامل موجود طالما أننا بنحاول نحسن علاقتنا مع الله عز وجل، علمتنا أن الحلال والحرام في كل صغيرة وكبيرة في حياتنا حاجة مهمه لازم تبقى موجودة قصادنا.
تقييم الرواية كقصة وسرد وهدف ١٠/١٠، وانصح بيها لكل الفئات العمرية وتحديداً المراهقين.
كتبنا أيضا عن:
ملخص رواية ارض زيكولا الجزء الأول
ملخص رواية أبادول روايات مملكة البلاغة
ملخص رواية سقطرى روايات مملكة البلاغة
ملخص رواية كويكول روايات مملكة البلاغة
ملخص رواية أمانوس روايات مملكة البلاغة